Маалыкайдааҕы КАЗС-164 1992 сылга аһыллыбыта.
Ньурбаттан уон көстөөх сиргэ сытар Бордоҥ нэһилиэгэ Маалыкай сэлиэнньэтигэр "Степан Васильев аатынан сылгы заводун" салайан олорбут киһиннэн Нестер Климович Антонов этэ. Манна олорор киһи ахсаана икки тыһыыча. Орто, уон кылаастаах оскуолалаах. Манна бастакы кыһалҕаннан буолара уматык тиийбэтэ. Ону туоратарга анаан заправка оҥорор боппуруос турбута. Ол саҕана сельсовет председателя Прокопьев Меркурий Михайлович, сылгы собуотун директора Антонов Нестер Климович буолан сүбэлэһэн заправка туттарбыттара. Онон Маалыкайга бастакы КАЗС-164 диэн аһыллыбыта. Ити 1992 сыл ноябрь ыйга.
Мин Ньурбаҕа киирэн оператордар курстарын барбытым, совет председателя Меркурий Михайлович направление биэрэн үөрэттэрбитэ. Бастакы үлэһиттэринэн түөрт киһи анаммыта. Старшайынан мин буолбутум, оператордарынан, улахан уолум Нутчин Владимир Карлович, Елисеев Н.Н., Елисеев В.Н.
Ити курдук бастакы заправочнай КАЗС-ка үлэ саҕалыммыта.
Бастаан утаа бензин совозтарга таһааран куталлара. Онно хранилищаҕа сытара, онтон бензовоз аҕалан кутара. Ол саҕана техника чааһынайдарга аҕыйаҕах, харчы киирэрэ аҕыйах этэ. Ол да буоллар сыыйа техника элбээн, үлэ- хамнас бэрткэ барбыта. Кэлин емкость аҕалан туруоран, онно бензин таһан кутар буолбуттара. Мин пенсияҕа тахсан 2010 сылтан уурайабытым. Старшайынан уолум хаалбыта. Билигин саҥа заправка тутуллан үлэлии турар. Нэһилиэнньэ улаатан, техника элбээн, чугас сытар нэһилиэктэр: Хатыы, Малдьаҕар, Чуукаар эмиэ заправкаланаллар. Онон бензин атыыта элбээтэ.
Бииргэ үлэлээбит коллегаларбар, билигин үлэлии сылдьар дьоммор баҕарыам этэ үрдүк ситиһиилэри, көхтөөх үлэни, доруобуйаны.