Мин 1992 сыллаахха ГП «Якутнефтьпрөдукт» диэн тэрилтэҕэ Ньурбатааҕы нефтебаза Убоянна оператор АЗС диэнинэн үлэлии киирбитим. Онтон суоппар идэлээх буоларым быһыытынан дириэктэр суоппарынан УАЗ массыынаҕа көспүтүм. Ол саҕана дириэктэринэн Николаев Лазарь Ильич, инженер Иванов Егор Александрович, главнай бухгалтер Тихонова Мария Васильевна этилэр. Дириэктэри таһарым таһынан баанна кассиры киллэрэрим – Кощеева Галина Ивановна этэ, уонна заправкаҕа оператордары таһарым. Элбэхтэ командировкаҕа сылдьарбыт. Нефтебазаҕа үлэлээбит сылларбын олус үчүгэйдик саныыбын. Механигынан Семенов Иннокентий Гаврильевич үлэлээбитэ, элбэхтик дьээбэлэһэн, бэһиэлэйдик үлэлиир этибит. Заправка кыргыттара Акст Галина Афанасьевна, Газе Надежда Николаевна, Мологулова Эльвира Эриковна, Николаева Любовь Николаевна, Керженцева Наташа куруук үөрэ-көтө сылдьааччылар. Кэллэктиип, профком, салалта биир дьиэ кэргэн курдук буолааччы. Үлэлээбит тэрилтэбэр махталбын тириэрдэбин, биһигини умнубаттар, өйүүллэр. Инникигитигэр баҕарабын иллээх-эйэлээх үлэни өссө да сайда, үүнэ турун.